الـ TMM في تونس: شنوّة هو وفاش يصلح
افهم حكاية الـ TMM من غير ما تبدأ عامل دكتورا في الاقتصاد.
قداش TMM اليوم
هو فما زوز انواع متع TMM ، واحد يتبدل كل نهار و الاخر هو المعدل متع الشهر اللي فات. اللي يبدل كل نهار يتعاملو بيه البنوك . اللي يهم المواطن في قروضاتو هو معدل الشهر اللي تعدا هاكا علاش مش نحطو متع الشهر الماضي
TMM = 7 %
الـ TMM: شنوّة هو وبالضبط فاش يصلح؟
الـ TMM، ولاّ "Taux Moyen du Marché"، هو ببساطة السوم اللي البنوك التونسية تسلّف بيه الفلوس لبعضها. البنك المركزي التونسي (BCT) هو اللي يحسب المعدّل هذا كل شهر.
فاش يصلح؟ هو المرجع اللي يحدد كل شيء: قداش البنك تزيدك فايض على فلوسك اللي مخبيها، والأهم من هذا، قداش تخلص فايض على القرض متاعك. كي يطلع الـ TMM، السلف يولي أغلى. وكي يهبط (اللي هي حاجة ولات صعيبة توة)، الناس الكل تتنفس شوية.
علاش البنك المركزي يطلّع في الـ TMM (ويوجعنا في جيوبنا)؟
التممم هو الوسيلة الساهلة اللي لقاتها الدولة باش تطيح في الاسعار . و قت النسبة هاذي تطلع ، نسبة متع الفائض البنكي تطلع ، لعباد والشركات ينقصو من القروض ومعناها ينقص الاستهلاك العادي و الاستثماري. وقت ينقص الطلب الاسعار تهدى شوية . في عوض تزيد بعشرة بالميا تولي تزيد بستة في الميا. معناها في الحالات الكل التضخم موجود
الاشكالية ، اللي النقص متع الاستهلاك و الاستثمار يخلي الاقتصاد يتقدم ببطء او يوخر . معناها سي تمام كان طلع يفرعس التطور الاقتصادي و كان هبط يفرعس الاسعار
لحظة الحقيقة: الـ TMM وقرض الـ "Taux Variable"
كانك صححت عقد قرض فيه كلمة "TMM + X%" (مثلاً TMM + 4%)، راك واحل في مركب التغيير.
بصريح العبارة: البنك متاعك ما تمسش ربحها (الـ "X")، أما كي البنك المركزي يطلع في الـ TMM، (mensualité) تطلع وحدها أوتوماتيكياً. هذاك علاش، كي يطلع الـ TMM بنقطة بركة، قرض كان "مقدور عليه" ينجم يولي غصة في ميزانيتك. هذا هو خطر السوق، وما عليك كان تبع التاريخ متاعو باش تقرأ حسابك قبل ما تسخن الدنيا.
ملاحظة : اغلب العباد تصحح و ما تعرفش علاش صححت ... وكان حتى عرفت ما يبدل شي على خاطر اغلب البنوك قروضها بنسبة متغيرة الا المدة الكبيرة كيما 20 عام و كذلك التمويلات متع البنوك اللي مسمية روحها اسلامية
بالنسبة للقروض ، ادا خذيت قرض بنسبة متغيرة وصار تغيير في نسبة السوق النقدية ، التغيير في المبلغ الشهري يكون ظاهر اكثر اذا ميزالت مدة الخلاص كبيرة
، على 10 سنين TMM +3 مثلا ، سي رابح خذا قرض متع 100 مليون اليوم بنسبة
حاليا عند كتابة المقال هذا ال TMM يساوي 7
نظريا مش تكون نسبة الفائض 10 بالميا . سي رابح مش يخلص تقريبا 1322 د في الشهر
اذا نسبة السوق النقدية زادت بنقطة وولات 8 بالميا ، المبلغ الشهري مش يزيد . مش نحطو 3 فرضيات حسب المدة المتبقية لخلاص القرض
اذا ميزال 9 سنين يولي الخلاص 1373 معناها زيادة ب 50 د
اذا ميزال 5 سنين يولي الخلاص 1352 معناها زيادة ب 30 د
اذا ميزال عام يولي الخلاص 1328 معناها زيادة ب 7 د
تطور وسجل الـ TMM على 35 سنة
شوف كيفاش تبدل السوم مع الوقت. استعمل الـ Filtres باش تلوج: 5 سنين للوقت القريب، 10 سنين للاتّجاه العام، ولاّ Max (35 سنة).
جدول مفصل لقيم الـ TMM
هذي توارخ سي تمام بالتفصيل.
| Années | Taux | variation |
|---|---|---|
| 2026 | 7.080% | ▼ |
| 2025 | 7.490% | ▼ |
| 2024 | 7.990% | -- |
| 2023 | 7.990% | ▲ |
| 2022 | 7.260% | ▲ |
| 2021 | 6.250% | ▲ |
| 2020 | 6.120% | ▼ |
| 2019 | 7.810% | ▲ |
| 2018 | 7.240% | ▲ |
| 2017 | 5.230% | ▲ |
| 2016 | 4.260% | ▼ |
| 2015 | 4.280% | ▼ |
| 2014 | 4.880% | ▲ |
| 2013 | 4.740% | ▲ |
| 2012 | 3.980% | ▲ |
| 2011 | 3.230% | ▼ |
| 2010 | 4.870% | ▲ |
| 2009 | 4.180% | ▼ |
| 2008 | 5.190% | ▼ |
| 2007 | 5.260% | ▼ |
| 2006 | 5.330% | ▲ |
| 2005 | 5.000% | -- |
| 2004 | 5.000% | -- |
| 2003 | 5.000% | ▼ |
| 2002 | 5.906% | ▼ |
| 2001 | 5.938% | ▲ |
| 2000 | 5.875% | -- |
| 1999 | 5.875% | ▼ |
| 1998 | 6.875% | -- |
| 1997 | 6.875% | ▼ |
| 1996 | 7.813% | ▼ |
| 1995 | 8.813% | -- |
| 1994 | 8.813% | -- |
| 1993 | 8.813% | ▼ |
| 1992 | 11.313% | ▼ |
| 1991 | 11.813% | -- |
| 1990 | 11.813% | -- |