سوم الذهب في تونس: الصافي، الجديد، المستعمل و"التكسير"
الاستثمار الصحيح للذكي... والا "فلسة" العرس للعاشق الولهان 💍
سوم غرام الذهب في تونس اليوم حسب "العيار"
من الـ 24 "الصافي" للي يحب يخبّي تفتوفة، لعيار 9 للي يحب يلمع بشوية فلوس، لخصنا كل شيء. ملاحظة: الأسوام بالدينار التونسي. وكان ريت السوم طاح، راهو يا غلطة في السيت... يا معجزة من عند ربي.
هذي الأسوام تتحين قداش من مرة في النهار، باش تقعد ديما في قلب السوق.
| العيار | الاسم | ثمن 1 غرام |
|---|
اخر تحديث للاسعار :
حسّابة الذهب: سوم الجديد، "التكسير" والا الصافي
أدخل الميزان بالغرام قداش
كانك ناوي تشري الجديد:
اختار "جديد" باش تعرف الحقيقة المرة. المارج (الزيادة) تكون في حدود 30% للذهب المخدوم إذا العيار بين 14 و 22. وتوصل للـ 50% إذا العيار 9. (حق تعب الصايغي، الموديل، وضحكة الصايغي في سوق البركة والآداءات). السوم الصحيح ديما مربوط بالموديل.
كانك باش تبيع "كاس" (تكسير):
في الكاس، نبيعو في معدن الذهب مش قطعة زينة. يعني ما فما حتى مارج. السوم العالمي وكفى.
كانك باش تشري والا تبيع المستغمل":
هذي بيعة وشرية بين ناس عاديين. القطعة مازالت مزيانة وتتلبس. السوم يجي في الوسط بين الكاس والجديد. المارج تكون 15% للذهب بين 14k و 22k، وتوصل لـ 25% للـ 9k.
رد بالك:
النتيجة تنجم تعملك شوية دقة قلب للخطابة اللي باش يشريو ذهب العرس. كان حسيت روحك دخت، تنجم تدورها فضة مغطسة !
في الكاس المارج 0%. سوم المعدن عالمياً.
في الأوكازيون المارج 15% (من 14k لـ 22k) و 25% للـ 9k.
في الجديد المارج 30% (من 14k لـ 22k) و 50% للـ 9k.
الربح متع 35 بالميا هو عدد تقريبي و ينجم يكون اكبر ولا اقل حسب نوعية القطعة
كان قطعتك باهية وناوي تبيع ابعد عل الصائغي 100 كم ، ينجم يشريها تكسير الصباح ، ينظفها ويلمعها و العشية يبيعها على اساس جديدة
تطور وسجل أسوام الذهب في تونس بالرسم البياني (15 سنة)
هنا تشوف كيفاش طلع الذهب "الصافي" (24k). وبالنسبة للأنواع الأخرى، راهي ماشية في نفس الثنية. حوس في الرسم البياني متاعنا باش تشوف الذهب كيفاش طار طيران. من 7 أيام للي "مستعجل" ويحب يضارب، لـ 15 سنة للي يحب يبكي على الأطلال كيف يرى سوم الغرام في 2012.
الرسم البياني هذا "تفاعلي": تنجم تقارن الوقت اللي كنت تشري فيه فردة كاملة بسوم خاتم توة. التحسّر مضمون، ...!
أرشيف أسوام الذهب بالدينار التونسي (15 سنة)
حاجتك بأرقام صحيحة باش تعمل مشروعك، والا باش تستظهر بها قدام عمّك وتثبتلو اللي الذهب خير من العقارات؟ الجدول هذا فيه "البيانات" متاع الـ 15 سنة اللي تعداو. هنا تلقى حقيقة الـ 24 عيار .
| التاريخ | ثمن 1 غرام | التطور |
|---|
العيار والطابع: كيفاش تفرق بين الذهب بانواعو؟
العيار هو اللي يقولك قداش فمة ذهب صافي في القطعة. باش ما يغلطك حد، ثبت في رقم الطابع اللي منقوش على الذهب متاعك:
- 24 عيار (999/1000): ذهب صافي 99,9%. هذا "السبائك"، طري برشة ما يتلبسش، أما باهي برشة للتخبية .
- 22 عيار (916/1000): 91,6% ذهب. الفخامة والصفورية الفاقعة، متع "الهمة والشان".
- 21 عيار (875/1000): 87,5% ذهب. عيار الملوك والقطع الكبيرة اللي تملا العين.
- 18 عيار (750/1000): 75% ذهب. "سيد" الصاغة في تونس. صحيح، بريستيج، وما يتبدلش بمرور الوقت.
- 14 عيار (585/1000): 58,5% ذهب. ذهب "صحيح" أما مخلط برشة بمعادن أخرى. يلمع أما قيمته ناقصة.
- 9 عيار (375/1000): 37,5% ذهب. "يا من عاش". متاع زينة خفيفة بلاش خوف من البراكاجات في كل تركينة.
ملاحظة: في تونس، الدولة هي اللي تطبع (رأس الحصان ولا كبش و لا قرد ولا وغيره)، أما الأرقام كيف 750 والا 875 هي لغة العالم الكل.
تحيين الأسوام وحقيقة سوق الذهب في تونس
الأسوام في السيت متاعنا تتبدل كل ساعتين حسب السوق العالمية. نجموا نحطولكم تبديل السوم بالثانية، أما زايد وتعب بالفارغ.. ماكش باش تبيع وتشري بـ "التيليكوموند".
كلمة حق: في تونس، أسوام الفاترينة (البيع) ثقيلة شوية كيف يبدا السوم طايح، الصايغي يستنى أيام باش يتأكد اللي "الرخاء" طول. أما في "شريان الكسر"، كان يطيح السوم في العالم، تلقى السوم طاح في تونس في دقيقتها. وبالعكس، كيف يغلى الذهب لبرا، صياغتنا تبارك الله عليهم، أول ناس يغليوا السوم عالبلاصة. هاكي تجارتهم !
علاش "بارومتر" الذهب متاعنا هو صاحبك الانتيم؟
سوق الذهب العالمي داخل بعضه، أما نحن بسطناهولك. لوجت على الصافي، المستعمل، والا الكتسير، السيت متاعنا يحسبلك كل شيء بـ "اللايف" وبالدينار التونسي. نحسبولك حق الخدمة ومربوح الصائغي باش تكون حساباتك قريبة للي باش يقولهولك الصايغي في "نهج فرنسا" والا في "أريانة". ما تخلي حتى حد يغافلك بـ "الأداءات المخفية"، وكون إنت مولى القرار في ميزانيتك.
يا متع الذهب .. إيـجا لهنا! 😎
كانك "غني" وفلوسك ولات بالبالة ، تبارك الله ما شاء الله، رانا حضرنالك حاسبة زكاة سبيسيال على قياسك.
تنجم تعمل طلة حتى كان ماكش ناوي تخرج الزكاة.. توه.. أحسبها بالعين باش تعرف قداش كنت تنجم تفرح من عيلة لو كان تخرج زكاتك!
جرب أحسب زكاتك من هنا ←