سوم الفضة في تونس: سعر الغرام مباشر (عيار 999، 925 و800)

سوم غرام الفضة اليوم في تونس حسب النوع (999، 925 و800)

هذي أسوام الأنواع الثلاثة متع الفضة اللي ماشية في تونس. من الـ 999 (الصافية) للـ 800 (اللي نلقاوها برشة في 'ماعون' زمان تع الجدات). الأسوام بالدينار التونسي. وكان جاوك الأسوام غالية، اعمل طلة على سوم الذهب توة تستغفر ربي وترجع تشري الفضة وإنت فرحان.

هذي الأسوام تتحين قداش من مرة في النهار، باش تقعد ديما في قلب السوق.

اخر تحديث للاسعار :

حسّابة الفضة: سوم الجديد، المستعمل والتكسير

حط الميزان بالغرام باش تعرف قداش تجيبلك فضتك. في الجديد، 'المصنعية' تنجم تطلع السوم برشة خاطر صنعة اليد ساعات أغلى من الفضة بيدها. وكان باش تبيع 'تكسير'، الصايغي باش يخلصك في المعدن الصافي بركة

بالنسبة للمستعمل ، السوم متاعو يكون بين التكسير والجديد حسب حالة القطعة

الربح متع 125 بالميا هو عدد تقريبي و ينجم يكون اكبر ولا اقل حسب نوعية القطعة

كان قطعتك باهية وناوي تبيع ابعد عل الصائغي 100 كم ، ينجم يشريها تكسير الصباح ، ينظفها ويلمعها و العشية يبيعها على اساس جديدة

تطور وسجل أسوام الفضة في تونس (رسم بياني)

هنا تشوف كيفاش تبدل سوم الفضة الصافية (999). تنجم تختار من 7 أيام للي يحب يضارب، لـ 15 سنة للي يحب يشوف الفضة وين كانت ووين صبحت. ملاحظة: كان الخط طالع، أعرف اللي الدنيا شاعلة فيها النار. وكان الخط هبط، وقتها أجبد الفلوس واشري الفضة وهي رخيصة.

أرشيف أسوام الفضة بالدينار التونسي

حاجتك بأرقام صحيحة وصافية؟ الجدول هذا فيه سجل كامل لأسوام الفضة في تونس. باهي برشة باش تقارن وتعرف اللي الفضة، حتى لو كان تتسمى "متاع زواولة"، تنجم تخبي قيمتها وتطلع رابح في الآخر.

أنواع الفضة: شنوة الفرق بين 999، 925 و 800؟

بيع وشريان الفضة في تونس: رد بالك من الحساب

الحسبة ساهلة: كيف تشري الجديد، تخلص دوبل سوم المعدن (زيد 100% حق الخدمة والحانوت). الزينة عندها سومها!

أما كيف تجي تبيع فضتك القديمة للصايغي (كسر)، يخلصك كان في سوم المعدن الصافي وكهو. التعب متاع المعلم يطيح في الماء، يخلصك كان في الميزان.

تحيين أسوام الفضة

الأسوام تتبدل كل ساعتين حسب السوق العالمية. في تونس، سوم "التكسير" يطيح في دقيقتو كيف يطيح السوم لبرا، أما سوم الفاترينة يرزن شوية وما يطيح كان بعد أيام. وإنت لازمك تكون "صنايعي" في حسابك!

علاش "بارومتر" الفضة متاعنا هو صاحبك الانتيم؟

سوق الفضة العالمي داخل بعضه، أما نحن بسطناهولك. لوجت على الصافي، المستعمل، والا الكتسير، السيت متاعنا يحسبلك كل شيء بـ "اللايف" وبالدينار التونسي. نحسبولك حق الخدمة ومربوح الصائغي باش تكون حساباتك قريبة للي باش يقولهولك الصايغي في "نهج فرنسا" والا في "أريانة". ما تخلي حتى حد يغافلك بـ "الأداءات المخفية"، وكون إنت مولى القرار في ميزانيتك.